На 03. 09 2026 во Историскиот музеј во град Дупница, Р. Бугарија се одржа свеченото отворање на изложбата „Старите куќи раскажуваат приказни“, во рамките на прекуграничниот проект: КУЛТУРНА ОБЛАСТ.
Изложбата заеднички беше отворена од директорите на партнерските музеи: Историски музеј Дупница, Регионален Историски Музеј Ќустендил и ЛУ Градски Музеј Крива Паланка.
На изложбата беа презентирани резултатите од истражувањата на староградската архитектура од крајот на XJX и почетокот на XX век во трансграничниот регион кој ги опфаќа општините: Дупница, Ќустендил, Крива Паланка и Кратово.
Активностите за организација и реализација на патувачката изложба: „Старите куќи раскажуваат приказни“ произлегуваат од работниот пакет 4 од проектот, со наслов ПРОМОЦИЈА И КОМУНИКАЦИЈА ПОМЕЃУ ТАРГЕТ ГРУПИТЕ, каде што сите партнери ја спроведуваат активноста 4.4 Градење на меѓусекторска соработка во студии и настани.
Проектот КУЛТУРНА ОБЛАСТ се реализира во рамките на INTERREG VI-A IPA Програмата Бугарија – Северна Македонија 2021-2027, Приоритет 3 “Интегриниран развиј на трансграничниот регион”. Водечки партнер во проектот е Регионален историски музеј „Акад. Јордан Иванов“. Партнери се Историскиот музеј во Дупница, Градскиот музеј во Крива Паланка и здружението „Пеонија“ – Кратово.
